Siyasetmedarê Kurd Mahmût Kaya hate berdan
Siyasetmedarê Kurd Mahmût Kaya ku Hezîrana 2018’an li Dusseldorfê hatibû girtin bi şert hate berdan.
Siyasetmedarê Kurd Mahmût Kaya ku Hezîrana 2018’an li Dusseldorfê hatibû girtin bi şert hate berdan.
Siyasetmedarê Kurd Mahmût Kaya ê ji Çewligê ku Hezîrana 2018’an li bajarê Elmanya Dusseldorfê hatibû girtin bi şert hate berdan.
Doza Kaya vê sibê saet 10:00’an li Dadgeha Cezayê Giran a Hambûrgê pêk hat. Mahmût Kaya di dozê de parastina xwe kir û diyar kir ku gundê wan di serhildana Şêx Seîd de hatibû şewitandin û bi dehan welatiyên sivîl hatibun qetil kirin.
Kaya wiha got; “Her dem ez di nava têkoşîna gelê Kurd de me û ji niha û pêve jî ez ê heman tişt bikim.”
Piştre dozger got, Kaya di nava PKK’ê de berpisyarekî asta bilind de ye, beşdarî meş û çalakiyan bûye, pere komkirine û ev hemû li gorî qanûnên Elmanya sûc e.
Piştî navberê heyeta dadgehê 17 meh ceza li Kaya birî. Di biryarê de pêvajoya girtî ya Kaya li ber çavan hate girtin û biryara berdana bi şertê şopandina 3 salan da.
Saet 14:45’an de Kaya hate berdan û ji aliyê parêzerê wî Alexsander Kînzler û komeke Kurdistanî ve hate pêşwazî kirin.