Komîteya Malbatên Şehîdan ji bo bîranîna Şehîdên Meha Gulanê li bajarê Marsîlya yê Fransayê bernameyek li dar xist.

Bîranîn bi deqeyeke rêzgirtinê destpê kir û sînevîzyona li ser jiyana yek ji kadroyên pêşeng ên PKK'ê Hakî Karer, şehîdên berxwedana zindana Amedê û gerîlayên di meha Gulanê de şehîd bûn, hate pêşandan.

Nûnerên li ser navê Meclîsa Marsîlyayê axivîn, girîngiya Şehîdên Meha Gulanê vegotin û destnîşan kirin ku ew ê bibin şopdarên mîrateya ku li pey xwe hiştine.

Bernameya bîranînê bi dirûşmeyên "Şehîd namirin", "Bijî Serok Apo" û "Bê Serok jiyan nabe" bi dawî bû.

HAMBÛRG

Komîsyona Malbatên Şehîdan a DKTM'ê ji bo Şehîdên Meha Gulanê li bajarê Hambûrg ê Elmanyayê çalakiyeke bîranînê li dar xist. Piştî deqeyek rêzgirtina ji bo şehîdan, siyasetmedar Îhsan Mereto axivî û bal kişand ser girîngiya xwedîderketina li têkoşîna şehîdan.

Xwişka yek ji kadroyên pêşeng ên PKK'ê Mehmet Hayrî Dûrmûş Ayten Dûrmûş jî diyar kir ku şehîdbûn tê wateya vejîna gelê Kurd û got, "Em deyndarê şehîdên rûken in.”

Yeter Bîlecan û Hacî Ramazan Ertek jî di bîranînê de li ser şehîdan axivîn û helbestên ku behsa şehîdan kirin xwendin.