Şahiya li Navenda Çanda Kurd a Draguignanê hatî lidarxistin, bi deqeyek rêzgirtin û pêşandana sînevîzyonê destpê kir. Di sînevîzyonê de bi dîroka meşên Amarayê re qala girêdana navbera têkoşîna gelê Kurd û rojbûna Rêber Apo hate kirin.

Nêzî 100 kes beşdarî şahiyê bûn. Di şahiyê de coşa zarokan bal kişand.

Di axaftina hatî kirin de wiha hate gotin, Rêber Apo ji bo hemû gelên bindest diyariyek e.

Şahî bi gerandina govendê bi dawî bû.

MAINZ

Li bajarê Mainz ê Elmanyayê jî xwendekarên Kurd li kampusa Zanîngeha Johannes Gutenberg bi wesîleya 4’ê Nîsanê dar çandin.

Di merasîma dar çandinê de, îşaret bi azadiya fîzîkî ya Rêber Apo hate kirin û hate destnîşankirin ku fikrên wî ji bo aştî, xwişk-biratiya gelan û siberojeke demokratîk girîng e.

Yek ji beşdaran axivî û wiha got: “Me ev şitil di 4’ê Nîsanê rojbûna Rêber Apo de çand. Ji ber ku em di fikrên wî de siberojeke nû dibînin. Her şitlek jiyanek e, her jiyan berxwedan e.”

MUNÎH

Şahiya li Munîhê bi pêşengiya Navenda Civaka Kurd a Demokratîk li Barioyê hate kirin.

Di şahiyê de li ser navê tevgera jinan û PAJK’ê axaftin hatin kirin û îşaret bi girîngiya têkoşîna Rêber Apo ya ji bo azadiyê hate kirin. Piştre derbarê felsefe û têkoşîna Rêber Apo sînevîzyonek hate temaşekirin.