Meşa Dirêj ku doh saet di 11:30 de bi dirûşma "Rê nede tecrîdê, bi Rêber Apo azad bibe" li bajarê Frankfûrt ê Elmanyayê bi daxuyaniyeke çapemeniyê dest pê kir, piştî meşa 15 kîlometreyan bi dawî bû.

Ciwan bi coş û moraleke mezin meşiyan û di salvegera 21'ê ya komploya navneteweyî de ya li dijî Rêberê Gelê Kurd Ocalan hate kirin nîşan dan ku wê komployê qebûl nekin. Roja destpêkê ya meşê saet di 17:00 de li Dreîeîchê bi dawî bû.

Ciwanan li Navenda Civaka Demokratîk a Kurd li hev kom bûn û di dawiya roja destpêkê de tevlî semînera bi mijara "Rastiya Rêbertî" bûn. Ciwan piştî semînerê li nava malên Kurdistaniyên li herêmê belav bûn.