Serdanên ji bo 14 berxwedêrên ji 17’ê Kanûna 2018’an ve li bajarê Strasboûrg ê Fransayê li dijî tecrîda li ser Rêberê Gelê Kurd Abdullah Ocalan di greva birçîbûnê ya bêdawî û bêdorveger de ne dewam dike.

Di nava rojê de Parlementerê HDP’ê yê Amedê Mûsa Farisogûllari û Hevserokê KCD’ê Bedran Ozturk serdana berxwedêran kirin.

Ozturk di serdanê de axivî û bibîr xist ku tecrîd ne tenê li ser Ocalan li ser hemû gelê Kurd e.

Hevserokê KCD’ê Bedran Ozturk diyar kir ku li Tirkiyeyê gelek kesên ji bawerî û rengên cuda hene, lê sîstema li Tirkiyeyê yekparêz û faşîst heye. Ozturk ev got: “Ji damezirandina dewleta Tirkiyeyê ve dixwazin sîstemeke yekparêzî bidin avakirin. Di xwazin gelê Kurd bi asîmlasyon, qirkirinê tine bikin.”

Oztur da xuyakirin ku Ocalan bi felsefe û raman derxistî ev yek berovajî kir û ev nirxandin kir: “Ji kîjan bawerî û gelî bî, bi nasname û xwebûna xwe, bi azad jiyankirin mafekî xwezayî ye.”

Ozturk destnîşan kir ku felsefeya Ocalan ‘Ji bo gelên li Rojhilata Navîn û Tirkiyeyê dijîn bûye çavkaniya hêviyê.’

Ozturk got: “Armanca sereke ya vê çalakiyê şikandina tecrîdê ye.” bi tecrîdê re şer jî kûr bûye. Ozturk bi tecrîdê re aboriya Tirkiyeyê jî li ber hilweşînê ye û bi rabûna tecrîdê re wê pêşiya çareseriya demokratîk bê vekirin. Ozturk da xuyakirin ku Ocalan kilîda çareseriyê ye û banga hê zêdetir a xwedîderketina li grevên birçîbûnê û rojiya mirinê kir.

Parlementerê HDP’ê yê Amedê Mûsa Farîsogûllari jî bêdengiya saziyan rexne kir û got: “Bang li saziyên demokratîk ên Ewropa û hêzên desthilat dikin ku; ji bo bidawîkirina tecrîda li ser Birêz Ocalan bi lezgîn bikevin nava liv û tevgerê. Berpirsyariyên wan jî hene. Divê CPT, Konseya Ewropa û saziyên din bi erk û rola xwe rabin.”

Farîsogûllarî bal kişand ser çalakiyên grevên birçîbûnê û got: “Em rêz ji bo wan digirin û daxwazên wan daxwazên me ne.”

Ozturk anî ziman ku tecrîda li ser Ocalan dewama Komploya Navneteweyî ye, greva birçîbûnê û rojiya mirinê ya li dijî tecrîdê vegot.