NAV YEK bang li hemû gelê Kurdistanê û bi taybetî ji bo civaka Êzdiya kir ku yekîtiya xwe xurt bikin û bi ruhê serkeftinê tevlî pengava Newrozê û xebatê demê bibin.

Daxuyaniya NAV YEK’ê wiha ye:

“Di serî de em weke saziyê civaka Êzdiya Newroza 2020 li Rêberê Gelê Kurd, li gelê Kurdistanê, li tevahiya mirovahiyê û civaka Êzdiya pîroz dikin. Em hêvidarin Newroza 2020 ji bo gelên rojhilatanavin bibe mebesta aṣtiçî, yekîtî, azadî û demokrasiyê.

Newroza 2020 ji hemû Newrozê derbasbûyi bêtir xwedî wateyeke girîng e. Ji ber ku ṣerê vînê di asta herî bilind de tê berdewamkirin.

Armanc û hewldanê dewleta AKP-MHP ew e ku vîna gelê me biṣkêne, destkeftiyê gelê me têk bibe û siyaseta înkar û tunekirin li ser gelê me ferz bike.

Her weha tecrîta giran kirî li ser Rêberê Gelê Kurd berdewam dike û bi êrîṣê hovane tên ser Tevgera Azadiyê û gelê Kurd. Li diji konsepta tunekirinê, têkoṣîna gelê kurd li Kurdistanê, li Ṣengalê û hemû qadê jiyanê di asta herî bilind de berdewam dike.

Banga me ji bo hemû gelê Kurdistanê û bi taybetî ji bo civaka Êzdiya, yekîtiya xwe xurt bikin û bi ruhê serkeftinê tevlî pengava Newrozê û xebatê demê bibin.

Bi van bîr û baweriyên xurt em cardin cejna Newrozê li Rêberê Gelê Kurd, li berxwedanvanê zindana, li hemû hêzên parastina gel, li tevahiya gelê Kurdistanê, li civaka Êzdiya û hemû mirovahiyê pîroz dikin.”