Nûçegihana rojnameya Expressene Magda Gad  û wênegirê wê Nîclas Hammarstrum ya ku li Swêdê tîraja vê rojnameyê duyemîn e, bi sivîlên li Bakur û Rojhilatê Sûriyeyê re civiya.

Di rojnameyê de wêneyên sivîlan hatin weşandin ên ku di êrîşên dewleta Tirk de birîndar bûne.

Di nûçeyê de hate diyarkirin ku zaroka 8 salî ya bi navê Sara ji ber êrîşê lingê wê hatiye jêkirin, birayê wê Mûhammed ê 13 salî hatiye qetilkirin û birayê wê Ahmet ê 11 salî jî ji çavê xwe birîndar bûye.

Di nûçeyê de hate diyarkirin ku bijîşkan bi raporan eşkere kirine ku Tirkiyeyê li Serêkaniyê çeka qedexe ya fosfora spî bi kar aniye.