Li bajarê Toronto yê Kanadayê êrîşên dewleta Tirk a li dijî Şengal û Herêmên Parastinê yên Medyayê hatin protestokirin.

Kurd û dostên Kurdan tevlî vê çalakiyê bûn. Ev çalakî bi pêşengiya Şaxa Ciwanan a Meclîsa Gelê Kurd hate lidarxistin.

Girse li pêşiya avahiya parlementoyê ya Ontarîoyê kom bûn û meşiyan konsolosxaneya Tirkan.

Di meşê de pankartên li dijî qirkirinê hatin hildan û slogan hate berzkirin. Li pêşiya konsolosxaneyê pankarta ‘Stop killing Kurd’ hate vekirin.