Li Swîsreyê şehîd hatin bîranîn
Gerîlayên ku di demên cihê de li Herêmên Parastinê yên Medyayê şehîd bûbûn li bajarê Bernê yê Swîsreyê hatin bîranîn.
Gerîlayên ku di demên cihê de li Herêmên Parastinê yên Medyayê şehîd bûbûn li bajarê Bernê yê Swîsreyê hatin bîranîn.
Ji aliyê Komîsyona Malbatên Şehîdan a Swîsreyê Endamê Fermandariya Eyaleta Amedê Egîd Şevger (Aydin Şîmşek) ê ku di 18’ê Gulana 2021’an de li Licêya Amedê şehîd bûbû, Çekdar Cûdî (Ekrem Akturk) ê ku di 18’ê Nîsanê de li Metînayê di bomberdûmanê de şehîd bûbû, Bargiran Erkendî (Hasan Guner) ê ku di 20’ê Tebaxa 2020’an de li Heftanînê di bomberdûmana dewleta Tirk de şehîd bûbû, Hakî Gap (Osman Alas) ê ku di sala 2017’an de li herêma Bestayê ya Botanê di operasyona artêşa Tirk a dagirker de şehîd bûbû û Zeynep Kinaci (Zîlan) a ku li hemberî hêzên komploger çalakiyeke fedaî kiribû, hatin bîranîn.
Xizmên şehîdan û bi sedan Kurdistanî tevlî bîranînê bûn. Bîranîn bi rêzgirtina ji bo şehîdên Têkoşîna Azadiya Kurdistanê hate destpêkirin.
Nûnerê KOMAW’ê Tahsîn Farqîn diyar kir ku girêdayîbûna şehîdan bi xwedîlêderketina alaya wan a têkoşînê dikare pêk were. Farqîn derbarê êrişên dagirker û qirkirina li ser gelê Kurdistanê jî got “Dewleta Tirk a dagirker duh li Kobanê, Girê Spî û Serêkaniyê têk çû, lê êrişên xwe didomîne. Dewleta Tirk dizane ku wê li hemberî berxwedana gerîlayan têk biçe û ji ber vê polîtîkaya xwe ya qirêj a li hemberî gelan dixe meriyetê.”
Di bîranînê de xizmên şehîdan jî axivîn û diyar kirin ew ê xwedî li alaya berxwedanê ya şehîdan derkevin.