Kurdistaniyên li gelek herêmên Rûsyayê hatin gel hev û salvegera damezrandina PKK'ê pîroz kirin.

Pîrozbahiya li herêma Saratovê li taxa Yerşovê pêk hat. Di pîrozbahiya ku bi deqeyek rêzgirtinê destpê kir de, Hevserokê Otonomiya Kurd a Yerşov Mîrza Alî Yusubov axaftinek kir.

Yusubov, diyar kir ku Rêberê Gelê Kurd Abdullah Ocalan û kadroyên pêşeng bi damezrandina PKK'ê re hebûna gelê Kurd ji nû ve vejandine û bi rêxistinkirina gelê Kurd re têkoşîna azadiyê dane destpêkirin.

Yusubov, anî ziman ku weke Kurdên li Rûsyayê dijîn, ew ê her tim li cem Têkoşîna Azadiyê ya Kurd bin û destnîşan kir ku ev têkoşîn bi saya PKK'ê heye.

Di pîrozbahiyê de hunermendên herêmî Ahmed Yusubov û Barî Yusubov derketin ser dikê.