Li PE'yê pêşnûmeya li dijî bazirganiya koleya û nijadperestiyê
Parlamenta Ewropayê, bi dirûşma "Jiyana reşikan girîng e" ya li DYE'yê li dijî nijadperestiyê belav bû, pêşnûmeyek qebûl kir.
Parlamenta Ewropayê, bi dirûşma "Jiyana reşikan girîng e" ya li DYE'yê li dijî nijadperestiyê belav bû, pêşnûmeyek qebûl kir.
Di 25'ê Gulanê de piştî kuştina George Floyd ê reşik, xwepêşandanên li Dewletên Yekbûyî yên Emerîkayê (DYE) dest pê kirin, li tevahiya cîhanê belav bûn. Li gelek welatan, peykerên kesên ku di navbera sedsalên 16 û 19'an de bi bazirganiya koleyan dihatin naskirin, ji neçarî hatin rakirin.
Li Parlamenta Ewropayê (PE) di dengdanekê de piştgirî ji tevgera bi navê "Jiyana reşikan girîng e" hate dayin û hate destnîşankirin ku wê li ber nijadperestiyê rabin.
BAZIRGANIYA KOLEYAN WEKE SÛCÊ LI DIJÎ MIROVAHIYÊ HATE QEBÛLKIRIN
Di dengdanê de 493 parlamenteran dengê "erê" û 104 parlamenteran jî dengê "na" dan. 67 parlamenter jî bêalî man.
Di pêşnûme biryarê de bazirganiya koleyan weke 'sûcê li dijî mirovahiyê' hate qebûlkirin û piştgirî ji xwepêşandanên dijî nijadperestiyê re hate dayin. Her wiha tundiya polîsan a li rojnamevanan û xwepêşandanên aştiyane yên li DYE'yê hate şermezarkirin. Di pêşnûmeyê d ehate gotin, "Bikaranîna hêza zêde ya li dijî girseyan, li dijî pîvana 'hevhêzê' ye."
'NIJADPERESTÎ Û DIJMINATIYA LI BIYANIYAN NABE AZADIYA ÎFADEYÊ'
Di pêşnûmeyê de li ber asayîbûna gotinên nijadperestî û dijminatiya li biyaniyan hate rawestandin û hate gotin, "Gotinên nijadperestî û dijminatiya li biyaniyan nabe azadiya îfadeyê."