Kurdistaniyên li eyaleta NRW'ê ya Elmanyayê, wê Newroza îsal li bajarê Dusseldorfê bi meş û mîtîngekê pîroz bikin. Pîrozbahî wê 20'ê Adarê roja Şemiyê ji aliyê bi dehan partî û saziyên Kurdistanî ve bê lidarxistin. Pîrozbahî wê bi dirûşma "Bi ruhê Garê em faşîzmê têk bibin, Kurdistanê azad bikin" pêk were.

Meş wê ji du baskan bê kirin. Navê Garê û Heftanînê li baskên meşê hate kirin. Baskê Garê wê li ber DGB Haûsê, baskê Heftanînê jî li pişt HBF a Dusseldorfê sat di 11:30'î de li hev kom bibe û dest bi meşê bike. Her du baskên meşê wê ber bi qada mîtîngê ve biherikin.

Kurdistaniyên li Dusseldorf, Koln û Bonnê wê li baskê Garê, Kurdistaniyên li Essen, Dûîsbûrg, Munster, Dortmûnd û Bîelefeldê jî wê li baskê Heftanînê bimeşin.

Hunermendên TEV-ÇAND'ê jî wê li baskê Garê bi kincên xwe yên neteweyî bimeşin. Her wiha 17 tîmên sporê jî wê bi formayên xwe li baskê Heftanînê bimeşin.

Di mîtîngê de wê Ozan Emekçî, Beser Şahîn, Peyman Agirî, Sîpan Xelat û Dîlan Top derketin ser dikê. Her wiha nûnerên gelek saziyên ji çar parçeyên Kurdistanê wê li qada mîtîngê peyaman bidin.

PARTIYÊN KU LI DAR DIXIN

Pîrozbahiya li Eyaleta NRW'ê ji aliyê bi dehan saziyên Kurdistanî ve tê lidarxistin. Partî û saziyên amadekar wiha ne:

"FED-MED NRW, YJK-E NRW, Yekîtiya Niştîmanî Kurdistan (YNK), Tevgera GORAN, Partiya ŞÛÎ Kurdistan-Başur, Kongra Star (Rêxistina Jin li Rojava), Partiya Zahmetkêşan Başur, PADÊ (Partiya Azadî û Demokrasiya Êzidiya), Tevgera Azadî, PYD (Partiya Yekitiya Demokrat), P.D.K.S. (Partiya Demokrat a Kurd li Sûrî), Partiya Çep a Kurd li Sûrî, Tevgera Nûjen ya Kurdistanî-Sûrî, PÇDKS (Partiya Çep a Demokrat a Kurd li Sûrî), Partiya Demokrata Kurdî li Sûriya (El Partî), Partiya Çep a Demokrat li Sûriya, Partiya Rêkeftin a Kurd li Sûrya, Partiya Çaksaziya Kurd li Sûriya, Partiya Kesk a Kurdistanî li Sûriya, Partiya Demokrata Kurdistanî li Sûriya, Partiya Komunîsta Kurdistanî li Sûriya, PÎK (Partiya Îslamiya Kurdistan), KKP (Partiya Komunîsta Kurdistan), Tevgera KAWA, PJAK (Partiya Jiyana Azad a Kurdistan), Yakyatî Şoreşgêrî Kurdistan, KODAR (Civaka Demokrat û Azad a Rojhilatê Kurdistan), KJAR (Civaka Jinên Rojhilatê Kurdistan), Platforma Horam, Platform Zagros, Platform Yarsan, Yarî Kurd, Partiya Dimokrati Peşvero Kurdî li Sûriya, TEV-ÇAND (Tevgera Çand û Hunera Kurd), FEDA (Federasyona Elewiyên Kurdistan), NAV-YEK (Federasyona Komelên Êzidiya), CÎK (Civaka Îslamiya Kurdistan), YMK (Yekîtiya Mamosteyên Kurdistan), YES (Yekîtiya Êzidiyên Sûrî)."

Her wiha saziyên Tirkiyeyî mîna AGÎF, Alinterî, ADHK û ATÎF jî wê tevlî çalakiyê bibin.

Kurdistanî wê li qada mîtîngê li gorî pîvanên hîjyenê stantan deynin.