Li bajarê Melboûrneyê yê Evûstralyayê 2’ê Mijdarê Roja Rojava ya Cîhanê hate pîrozkirin.

Kurd û dostên wan meş û mîtîngek li dar xistin.Girse li pêşiya pirtûkxaneya eyaletê hatin ba hev û ji vê derê ber bi navenda federasyonê ve meşiyan. Di meşê de êrîşên dagirker ên dewleta Tirk hate protestokirin û berxwedan hate silavkirin.

Senator Rîce beriya meşê axivî û diyar kir ku ew bi gelê Kurd re ne û ji bo ku li ser Tirkiyeyê ambargo were destpêkirin wan pêşnûmayeke nû ava kirine.

Endamê Desteya Rêveber a TEV-DEM’ê Aldar Xelîl jî bi telefonê tevlî mîtîngê bû û diyar kir ku çalakiyên li derveyî welat moralekî zêde dide Rojava.