Li bajarê Marsîlya yê Fransayê bi beşdariya Komîsyona Malbatên Şehîdan, Komîsyona Baweriyan, Meclîsa Jinê ya Marsîlyayê û gelek ciwanan Navenda Ciwanan hat vekirin.

Dayikên Şehîdan kurdeleya vekirinê ya Navenda Ciwanan birîn ku ji aliyê Tevgera Ciwanên Şoreşger a Ewropa (TCŞ) ve hat avakirin. Dayikekî şehîdan ku kurdeleyê birî, gotina Rêberê Gelê Kurd Abdullah Ocalan a “Me bi ciwantî destpê kir, em ê bi ciwantî bi ser bikevin” bi bîr xist û beşdaran bi dirûşmeya “Bijî Serok Apo” û çepikan bersiv da.

Girse piştre derbasî navendê bûn û axaftinên vekirinê hatin kirin.

Di axaftinan de bal kişandin ser tecrîda li dijî Rêberê Gelê Kurd Abdullah Ocalan û êrîşên li ser Herêmên Parastinê yên Medyayê zêde bûne û hat destnîşankirin ku konsepta şerê taybet a li dijî ciwanan ji vê yekê ne bêpar e.

Piştî axaftina vekirinê li ber stranên hunermendên herêmî govend hat gerandin.