Endamên Meclîsa Jinan a Arîn Mîrkan, îro roja Yekşemiyê saet 10’ê beriya nîvro li Dêra Notre Dame de la Garde’yê maskeyên reş dan ber devê xwe û çalakiyeke protestoyî ya bi bêdengî li dar xistin.

Di çalakiyê de bi sedan belavok hatin belavkirin, dosyeyeke di derbarê êrîşên dagirkeriyê û qetlîam û êrîşên bi çekên kîmyewî yên dewleta Tirk de pêşkêşê rêvebiriya dêrê hat kirin.

Her wiha di çalakiyê de şirîkatiya PDK’ê ya sûc a bi dewleta Tirk re jî hat şermezarkirin.

Meclîsa Jinan a Arîn Mîrkanê roja Înê jî li ber Buroya Yekîtiya Ewropayê ya Marsîlyayê jî mîtîngek li dar xistibû û dosyeyek pêşkêşê berpirsên buroyê kiribû.