Li paytexta Îngilîstan Londonê bi banga hevpar a Platforma Denga Girtiyan (TSP), NADEK û UPOTUDAK li pêşiya Pirtûkxaneya Woodgreen çalakî hat lidarxistin.

Di çalakiya bi şîara “Ji girtiyên nexweş re azadî, li dijî tecrîd têkoşîn” de ev axaftin hate kirin: “Li girtîgehan lêgerîna tazî, hewldanên lînçê, êşkence, tacîza zayendî, gef  dewam dike. Tecrîda mutleq a li dijî Rêberê Gelê Kurd Abdullah Ocalan 3 sal in bêyî navber dewam dike.”

Di çalakiyê de bal kişandin ser girtiyên nexweş û banga xwedîderketina li daxwazên girtiyan hat kirin.

Di çalakiyê de pankarên bi Ingilîzî û Tirkî hatin hilgirtin, danezan hatin belavkirin û polîtîkayên kujer ên desthilatdariya faşîst a li zindanan hate teşhîr kirin.

Her wiha di çalakiyê de daxwaza berdana demildest a Ecevît Pîroglû ku 3 sal in bi daxwaza radestkirina dewleta Tirk li zindana Sirbîstanê tê girtin, hate kirin.