Civîna gel bi deqeyek rêzgirtinê dest pê kir û bi pêşandana sînevîzyona nirxandinên Rêberê Gelê Kurd Abdullah Ocalan ên li ser damezrandina PKK'ê kiribû, berdewam kir. Parlamenter Kinyaz Hesanov, Hevserokê Komîteya Kurdistanê Silo Dirboyan û helbestvan Mirazê Cemal li ser wate û girîngiya rojê axaftin kirin.

Axaftvanan 27’ê Mijdarê di serî de li Rêberê Gelê Kurd Abdullah Ocalan, şervanên azadiyê, gerîla û hemû gelê Kurdistanê pîroz kirin.

Di civînê de hate destnîşankirin ku PKK'ê ji bo gelê Kurd û mirovahiyê jiyaneke nû ava kir û hate gotin ku divê bi Kurdbûna xwe serbilind bin. Axaftvanan diyar kirin ku dijmin hebûna gelê Kurd înkar dike, lê bi pêşengiya Rêberê Gelê Kurd Abdullah Ocalan û avakirina Partiya Karkerên Kurdistanê her tişt guherî.

Civîn bi dirûşma “Bijî Serok Apo” bi dawî bû.