Kurdistanî di çarçoveya Pêngava "Ji Abdullah Ocalan re azadî, ji pirsgirêka Kurd re çareseriya siyasî" li Qada Moîllebeau hatin cem hev û 45'emîn salvegera PKK'ê bi çalakiyekê pîroz kirin û qedexeya 30 salan a Elmanyayê ya li ser PKK'ê protesto kirin.

Di çalakiyê de ji siyasetmedarên ji doza PKK'ê yên li Elmanya û Fransayê hatin binçavkirin re kart hatin şandin. Li ser navê Dîwana Hevserokatiya KCDK-E'yê Mûsa Farisogûllari der barê dîroka damezrandina PKK'ê de axivî.

Farisogûllari da zanîn ku 27'ê Mijdarê ya ku ji bo gelê Kurd roja vejînê ye, ji bo mirovahiyê qonaxeke girîng e û got, "45 sal berê li gundê Fîsê yê Amedê Partiya me PKK'ê hat damezrandin. Beriya damezrandina PKK'ê Rêberê Gelê Kurd Abdullah Ocalan û hevalên wî ji bo nirxandina pêvajoya gelê Kurd û mirovahiyê biryarek nû girtin. Dema ku tu hêviyek û bendewariya gelê Kurd nema bû hêviya hebûnê da gelê Kurd. Rêber Apo tespîta ku Kurdistan di bin dagirkerî û mêtingeriyê de ye kiribû û bi gotina pêngava ku em ê biavêjin wê ji bo azadiya gelê Kurd bibe pêngaveke nû."

Farisogûllari di berdewama axaftina xwe de wiha got: “Ji wê rojê û vir ve kadroyên pêşeng ên gelê Kurd û gelên Tirkiyeyê ev 45 sal in çalakî li dar xistine. Piştî Heqî Karer di sala 1977'an de ji aliyê hêzên tarî ve hat qetilkirin, Rêber Apo got ku pêwîstî bi serdemeke nû heye, piştre damezrandina PKK'ê hate îlankirin.  Gelê Kurd ji wê demê û vir ve di bin pêşengiya PKK û Rêber Apo de têkoşîna xwe didomîne. Em bi gelê xwe bawer in û deyndarê şehîdan û Rêber Apo ne. Sedem çi dibe bila bibe em îro li vir in û tiştên ku em bikin hene.”

Li ser navê Koma Serhildan a saziyeke enternasyonalîst a li Cenevreyê Aquar Lioba daxuyaniya Fransizî xwendin. Kartên ku ji bo siyasetmedar û aktîvîstên Kurd ên ji doza PKK’ê li Fransa û Elmanyayê dîl hatin girtin û dîl hatin girtin, hatin şandin.

Piştre jî heyetek ji komîteya 'Ji Abdullah Ocalan re azadî, çareseriya pirsgirêka Kurd' hat konsolosxaneya Elmanyayê û li vir daxuyanî da.

Kurdistaniyan banga meşa navendî ya di 13’ê Kanûnê de bi boneya 3’yemîn salvegera çalakiya rûniştinê ji 25’ê Çileya 2021’an vir ve her roja Çarşemê li pêşiya Ofîsa Neteweyên Yekbûyî (NY) li Cenevreyê were lidarxistin kirin.