Li Munihê ji bo jinên di bin gefa cezayê darvekirinê de ne çalakî hat lidarxistin. Di çalakiyê de hat xwestin ku cezayê darvekirinê yê li Werîşe Mûradî, Pexşan Ezîzî û Şerîfe Muhammedî hatiye birîn demildest bê betalkirin.
Li bajarê Munih ê Elmanyayê bi boneya piştevaniya Kampanyaya “Sêşema Na ji Cezayê Darvekirinê re” ku ji hêla girtiyên siyasî yên li 38 girtîgehên Rojhilatê Kurdistanê û Îranê ve hatiye destpêkirin, çalakî hat lidarxistin.
Di çalakiya sêyemîn de hate diyarkirin ku dewleta Îranê cezayên darvekirinê yên li dijî mirovahiyê didomîne û hat xwestin cezayê darvekirinê yê li Werîşe Mûradî, Pexşan Ezîzî û Şerîfe Muhammedî hatiye birîn demildest bê betalkirin.
Di daxuyaniyê de wiha hate gotin: “Em dixwazin cezayê darvekirinê yê li Werîşe Mûradî, Pexşan Ezîzî û Şerîfe Muhammedî hatiye birîn demildest bê betalkirin. Di dema darizandina sê girtiyên siyasî de bi awayek bêedalet destûrnehat dayîn ku rojnamevan û raya giştî tevlî rûniştina dozê bibe. Bi vê pêvajoya derhiqûqî de girtiyên siyasî ji mafên xwe yên rewa bêpar hatin hiştin.”
Li ser navê Partiya Jiyana Azad a Kurdistanê (PJAK) jî daxuyanî hat xwendin û wiha hate gotin: “Divê di çarçoveya Kampanaya ‘Li Îranê ji dervekirinê re Na’ li her qadê û li ber girtîgehan li dijî cezayê dervekirinê çalakî bên lidarxistin.” Di dawiya daxuyaniyê de PJAK’ê banga hestiyarê li her kesê kir.
