DÛÎSBÛRG

Li bajarê Dûîsbûrgê yê Elmanyayê biryara hikumeta Iraqê ya li ser Şengalê hate protestokirin.

Çalakî di çarçoveya ‘Dawî li tecrîd, faşîzm û dagirkeriyê bîne, bi hev re serhildan’ de hate lidarxistin. Çalakî saet di 15.00’an de li pêşiya îstasyona trênê ya navendî hate lidarxistin. Di çalakiyê de hewldana dagirkeriya hikumeta Iraqê û îxaneta PDK’ê hate şermezarkirin.

Di çalakiyê de li ser navê Koordînasona Civaka Êzidiyan Mervan Sezakî axivî. Sezakî got ku, “Êrîşên li dijî YJŞ, YBŞ û Asayîşa Êzidxanê li dijî hemû Kurdan e. Vê peymana di navbera PDK û hikumeta Kazimî ji aliyê Kurdan nehate qebûlkirin. Ev peyman tê wateya fermaneke nû ya li dijî destkeftiyên Êzidiyan.”

SAARBRUCKEN

Li bajarê Saarbrucken ê Elmanyayê jî Kurdistanî li pêşiya Eûropa Gallerîe kom bûn û li dijî dagirkeriya Şengalê çalakiyeke protestoyê li dar xistin. Çalakgeran diyar kirin ku ev biryar wê civaka Êzidî bike hedefa êrîşên Tirkiye û hevkarên wan.

KOLN

Kurdên li bajarê Elmanyayê jî îro mîtîngek li dar xistin. Di mîtîngê de piştgiriya çalakiya greva birçîbûnê hate kirin û biryara hikumeta Bexdayê ya li ser Şengalê hate protestokirin.

Di axaftinan de hate diyarkirin ku greva birçîbûnê ya li zindanan sed roj derbas kiriye û banga xwedîlêderketina çalakgerên greva birçîbûnê hate kirin.

BÎELEFELD

Li bajarê Bîelefeld ê Elmanyayê jî gefên li ser Şengalê hate şermezarkirin. Li dijî êrîşên li ser Şengalê meşek hate lidarxistin û li Parkplatzê mîtîngek hate kirin.

Di mîtîngê de li ser navê SMJÊ, PYD, NCDK, Ciwanên Şoreşger axaftin hate kirin.

GÎEESEN

Li bajarê Gîessenê yê Elmanyayê jî qetlîamên Qamişlo, Gazî û Helepçe û êrîşa dagirker a li ser Şengalê hate protestokirin.

Di çalakiyê de li ser navê PYD, DGB, FCDK/KAWA axaftin hate kirin û qetlîamên li ser gelê Kurd hate şermezarkirin.