Li bajarê Torino yê Îtalyayê, li salona Cabria'yê Newroz bi coşeke mezin hate pîrozkirin.

Li dû deqeyeke rêzgirtinê ya ji bo bîranîna Şehîdên Azadiyê yên Kurdistanê, bi navê Komîteya Kurd a Milanoyê Ajvar Başûrî axivî.

Başûrî têkildarî pêvajoyê axivî û got, "Azadiya Rêber Apo wê bibe azadiya me hemûyan. Em Newrozê li Rêber Apo û her kesî pîroz dikin."

Ji Defend Kurdistan Enternasyonal Elisa Ginzburg, Sara Sarri, Alessio Giorgi jî bi kurtasî axivîn û Newroz pîroz kirin.

Bi navê UIKI Serkan Xozatli jî destnîşan kir ku di jinûve avakirina cîhanê de weke gelê Kurd ew çqasî di avakirina civaka demokratîk de bibin yek û li ser bingeha têkoşîna hevpar stratejiyekê hilberînin wê ewqasî jî nêzî azadiyê bibin.

Piştre agirê Newrozê hate dadan û li ber stranên Koma Dilhat govend hate gerandin.

Di pîrozbahiyê de dirûşmên 'Bijî Serok Apo', 'Bijî Newroz' û 'Jin, Jiyan, Azadî' hatin qîrîn.