Greva birçîbûnê ya ji bo şkandina tecrîda giran a li ser Rêberê Gelê Kurd Abdullah Ocalan ya li Strasboûrgê di roja 2’an de ye. Hevserokê KCDK-E Yuksel Koç got; “Heta ku tecrîda li ser Ocalan neyê şkandin çalakiya me wê bidome.”
Duh ji bo protestokirina tecrîda li ser Rêberê Gelê Kurd Abdullah Ocalan li bajarê Strasboûrgê yê Fransayê 15 Kurdistaniyan dest bi çalakiya greva birçîbûnê ya bêdawî û bêdorveger kirin. Çalakiya greva birçîbûnê di roja duyemîn de didome.
Kurdistaniyên li Elmanya û Fransayê dijîn serdana çalakiya greva birçîbûnê ya li Mala Çanda Mezopotamya li Strasboûrgê kirin û piştgirî dan çalakiyê. Ji welatê Swîsre û welatên din jî serdanên ji bo piştgirîdayînê têne kirin.
JI HEMÛ PARÇEYÊN KURDISTANÊ ÇALAKGER BEŞDAR BÛNE
Ji her çar parçeyên Kurdistanê, Kurdistanî beşdarî greva birçîbûnê ya bêdawî û bêdorveger bûne. Gelek endamên partî û rêxsitinan jî di çalakiyê de cihê xwe digrin. Navê çalakgeran wiha ne; Dîlek Ocalan, Gulistan Çiya Îke, Denîz Rojbîn, Nûrgul Başaran, Ramazan Îmîr, Mehmet Nîmet Sevîm, Mûstafa Sarikaya, Mohamad Ghaderî, Denîz Surgut, Ayvaz Ece, Yuksel Koç, Kadro Bokanî, Kerem Solhan, Agît Ûral û Ekrem Yapici.
‘DIVÊ CPT Û SAZIYÊN NAVNETEWÎ BI ERKA XWE RABIN’
Hevserokê KCDK-E Yuksel Koç têkildarî çalakiyê agahî da û diyar kir ku ji bo şkandina tecrîda li ser Ocalan bi biryarin û wê bi vê şîarê çalakiya wan encam bigre.
Koç bibirxîst ku zêdetirî 2 sal e agahî ji Rêberê Gelê Kurd Abdullah Ocalan nayê girtin û wiha domand; “Ev sê sal e hevdîtina şandeyê pêk nayê û hevdîtina parêzeran jî zêdetirî 7 sal e tê astengkirin. Rolê Komîteya Pêşîlêgirtina Êşkenceyan (CPT) ku saziya herî berpisyare, Dadgeha Mafê Mirovan a Ewropa (DMME) û Konseya Ewropa (KE) di gihiştina tecrîdê ya vê qonaxê de hey.”
Koç bi domdarî got; “Divê saziyên Ewropa yên berpirsyar li dijî tecrîdê bi erka xwe rabin. Yan wê di vê mijarê de tişta pêwîst bikin yan jî wê qebûl bikin ku rêveberên siyaseta faşîst a dewleta Tirk e.”
TECRÎD NE TENÊ KURDAN DIKE HEDEF
Koç diyar kir ku tecrîda li ser Ocalan ne tenê Kurdan eleqedar dike û di heman demê de tecrîd bi politîkayên zextê yên dîktatoriya Erdogan li tevayî Tirkiye û Rojhilata Navîn e.
‘EM BI BIRYARIN KU EM Ê TECRÎDÊ BIŞKÊNIN’
Koç got heta tecrîd neyê şkandin bi biryarin ku çalakiyê bidomin û bi vê armancê wê çalakiya greva birçîbûnê heta dawiyê bibin.
Koç herî dawî got bi domkirina tecrîdê re wê hişmendiya DAÎŞ’ê serbikeve û bang li hemû pêkhateyên alîgirên azadî, aşitî û biratiyê kir ku li ser vê armancê têbikoşin.
