KON-MED’ê di daxuyaniya xwe ya nivîskî de wiha got: “Ji sala 1890’an ve gelên cîhanê yên bindest û kedkar bi ruhê piştevanî û têkoşîna li dijî bêmafiyan ‘1’ê Gulanê Cejna Karker û Kedkaran’ pîroz dikin. 1’ê Gulanê di roja me ya îro de ji her demê girîngtir e.”
Di dewama daxuyaniyê de ev tişt jî hatin gotin: “Paradîgmaya me ya li ser esasê Ekolojîk, Demokratîk, Exlaqî, polîtîk û azadîxwaziya jinê, di asta jiyanî de girîng e. Çîna karker û kedkar hêmanê bingehîn ê civaka demokratîk e. Heta ku ev hêman xwe negihîne zanebûneke nû ya exlaqî û polîtîk, ne pêkan e ku ji vê sîstema koletiyê ya modern rizgar bibe.
Ev nîv sedsale têkoşîna azadiyê li Kurdistanê hemû beşên civakê di nava xwe de dihewîne û çavkaniya vê hêzê jî Partiya Karkerên Kurdistanê ye, ev yek ne tesaduf e. Têkoşîna li dijî xirabiyê û hemû berdêlên hatine dayîn, di cewherê xwe de ji bo azadiya çîna karker û kedkaran e. Eger çînên karker û kedkar ên navneteweyî bi vê hêzê re bikevin nava yekîtî û piştevaniyê, wê hêviya rizgariyê mezin bibe û meşaleya ji bo rojên ronî jî geş bibe.
Bi vê baweriyê em hêvî dikin sala 2024’an bibe sal û destpêkek nû ku çîna karker û kedkar bi zanebûna exlaqî û polîtîk jinûve rabe ser piyan.”