Resepsiyon êvara Sêşemê li navendeke çandê ya li paytext Brukselê bi beşdariya gelek kesî pêk hat.

Gelek hilbijartî, parêzer, nûnerên partiyan, rojnamevan û nûnerê Rêveberiya Xweser a Bakur û Rojhilatê Sûriyeyê beşdarî resepsiyonê bûn.

Di resepsiyonê de ku li muzîka Kurdî hate guhdarîkirin û xwarin ji mutbexa Kurdî hate pêşkêşkirin, ji partiya Sinn Fein a Îrlandayê parlamenterê Ewropayê Chrîs Macmanûs û senatorê Belçîkî Mark Demesmaeker jî beşdar bûn.

Endama Konseya Rêveber a KNK'ê Nîlufer Koç li ser wateya Newrozê axivî. Koç got, "Newroz berxwedana li dijî mêtingeriyê ye."

Hevserokê Desteya Têkiliyên Derve ya Rêveberiya Xweser a Bakur û Rojhilatê Sûriyeyê Bedran Çiya Kurd jî li resepsiyonê bi kurtasî qala modela rêveberiya xweser kir û anî ziman ku êrîşên dewleta Tirk a dagirker dewam dikin.

Çiya Kurd got, "Dixwazin Lozaneke din bînin serê Kurdan (...) Lê belê vê carê wê ev firsend ji dewleta Tirk re neyê dayin."

Aktîvîstê ekkolojîst ê Belçîkî Stîjn Venhofstadt li resepsiyonê axivî û diyar kir ku beriya niha bi demekê ew li gel heyetekê çû serdana Rojava.

Resepsiyonê li ber muzîka Kurdî heta saet 22:00 dewam kir.