16’ê Gulanê polîsên Elman girt bi ser Navenda Civaka Kurd Demokratîk (DKTM) a Dûîsbûrgê de. Bertekên li dijî girtina bi ser kargeha Kurdekê endamê komeleyê de, berdewam in.

Kurdistaniyên li Dûîsbûrgê û dostên wan, ji bo protestokirina biserdegirtin û zextan, li navenda bajêr hatin ba hev. DKTM’ya Dûîsbûrgê, ATÎF, AGÎF û Înîsiyatîfa Gel a Kurecîkê tev li çalakiyê bûn. Di çalakiyê de daxuyaniyek hat xwendin.

Di daxuyaniyê de hat bibîrxistin ku 16’ê Gulanê yekîneyeke polîsan bi kûçikan girtiye bi ser Komeleya Kurd a Dûîsbûrgê û hevrêyekê wan de û wiha hat gotin: “Gava biserdegirtinê polîsan bêyî hed tundî li malbatê kiriye. Hevrêyekê me yê ku endamê desteya rêveber ê komeleya me, bi endamtiya rêxistineke terorîst hat sûcdarkirin. Gava lêgerînê dest dane ser belgeyên taybet, telefon û kompîturan. Em krîmînalîzekirina hevrêyê me û komeleya me em protesto dikin.”

Di dawiya daxuyaniyê de wiha hat gotin: “Bila hikûmeta federal, dev ji polîtîkaya krîmînalîzekirin û zextê ya berpêyî Kurdan berde. Divê qedexeya li ser PKK’ê bê rakirin. Me bang li raya li Elmanyayê ew e ku helwest li dijî polîtîkaya krîmînalîzasyonê ya hikûmeta federal nîşan bide.”