Hevserokatiya Enstîtuya Kurdî ya Swîsreyê ji ber wefata Serokê Enstîtuya Kurdî ya Elmanyayê Fewzî Ozmen peyameke sersaxiyê weşand.

Peyam bi vî rengî ye:

"Em bi navê rêveberiya Enstîtuya Kurdî ya Swîsreyê ji ber wefata mamoste Fewzî OZMEN gelek xemgîn in. Mamoste Fewzî OZMEN, bi salan dersdariya zimanê Kurdî kir, pirtûkên rêzimanê nivîsîn û heta dawiya temenê xwe li ser zimanê Kurdî karekî pir hêja kir. Evîn û bedewiya zimanê Kurdî mîna robarekî ji dilê wî diherikî. Em soz didin ku li wê evîna wî ya bêdawî xwedî derkevin. Em li ber ruh û giyanê wî bejna xwe ditewînin. Bila serê gelê Kurd, heskiriyên wî, saziyên peywendîdar û malbata wî sax be. Bi hêviya sebir û aramiyê."