Bi daxwaza ‘Azadî ji Rêber Apo re’ beriya 13 salan li bajarê Strasbourg ê Fransayê, çalakiya nobetê hate destpêkirin. Ev çalakî dewam dike. Aktîvîstên TCŞ’ê yên ji Swîsreyê hatin, di hefteya 647’an a çalakiyê de nobet dewr girtin.

‘EM HER KESÊ VEDIXWÎNIN MEŞA 16’Ê MIJDARÊ’

Hakî Amanos, Zekî Aslan û Ciwan Kaya wê çalakiya nobetê bidomînin. Li ser navê komê Hakî Amanos axivî û bang li saziyên navneteweyî kir. Amanos diyar kir ku weke TCŞ Swîsre wan çalakî dewr girtine û anî ziman ku ew azadiya fîzîkî ya Rêber Apo dixwazin. Amanos bang li saziyên parêzvanên mafên mirovan kir û got, ev sazî dengê Kurdan nabihîzin. Amanos bal kişand ser gotina Rêber Apo ya ‘me bi ciwantî despê kir, em ê bi ciwantî bi ser bikevin’ û ji bo Meş û Mîtînga Mezin a ku wê 16’ê Mijdarê li bajarê Koln ê Elmanyayê bê lidarxistin jî banga tevlîbûnê kir.