Li dijî êrîşa bi çekan ku li KNK’ê ya li Başûrê Kurdistanê hat kirin û nûnerê kongreyê Denîz Cevdet Bulbun hat qetilkirin, Kurdistaniyan li Stockholma paytexta Swêdê daketin qadan.

Kurdistanî li qada Sergels Torgê hatin ba hev û bi sedan belavok belav kirin.  Di axavtinan de ku li qadê hatin kirin, hat diyarkirin ku nabe mirov xiyaneta PDK’ê qebûl bike û divê mirov feraseta qirker li her derê teşhîr bike.

Çalakiya bi organîzekirina Navenda Civaka Kurd a Demokratîk hat lidarxistin, bi berzkirina dirûşmeyên ‘’Artêşa Tirk destbixwîn, bicehime ji Kurdistanê’’, ‘’Erdoganê kujer’’ û ‘’PDK ya hevpar’’ bi dawî bû.