Parlamenterê Partiya Karker Jeremy Corbyn diyar kir ku li dijî êrişên dagirkeriyê yên dewleta Tirk ew bi têkoşîna gelê Kurd re ye û got, "Ji bo parçekirina makîneya şer, dem hatiye ku tevgereke aştiyê ya cîhanî bê avakirin."
Lîderê berê yê Partiya Karker a Îngilistanê û dostê Kurdan parlamenter Jeremy Corbyn destnîşan kir ku li dijî şerê Serokkomarê Tirk Erdogan, Kurd ji bo azadî û rûmetê têdikoşin û ew bi gelê Kurd re ye.
Corbyn daxuyaniya Progressîve Înternatîonal (Enternasyonal a Pêşverû) li ser hesabê xwe yê twîtterê parve kir û ev peyam da: "Li dijî şerê giran ê Erdogan ku li dijî gelê Kurd dimeşîne, ez piştgiriyê didim têkoşîna azadî û rûmetê ya Kurdan. Ji bo parçekirina makîneya şer, dem hatiye ku tevgereke aştiyê ya cîhanî bê avakirin."
