Ji bo rakirina tecrîda li ser Rêberê Gelê Kurd Abdullah Ocalan 14 çalakgeran li Strasboûrgê dest bi greva birçîbûnê ya bêdawî û bêdorveger kiribûn.

Her roj ji welat û bajarên cihê yên Ewropayê welatparêzên Kurd, dostên Kurdan û nûnerên saziyan tên serdana çalakgeran.

Îro jî Hevseroka KCDK-E’yê Fatoş Goksûngûr hate serdana çalakgeran. Hevserokê din ê KCDK-E’yê Yuksel Koç jî 137 roj in, di greva birçîbûnê ya bêdawî û bêdorveger de ye.

Goksûngûr bal kişand ser grevên birçîbûnê û diyar kir ku li girtîgehan 7 hezar girtî di greva birçîbûnê de ne.

Goksûngûr diyar kir ku tecrîda li ser Ocalan tê wateya tecrîda li ser hemû gelan û divê gelê Kurd û gelên din berxwedana xwe geştir bikin. Goksûngûr got: “Berxwedana grevên birçîbûnê li gelek welatan deng daye. Em jî diyar dikin ku em vê tecrîdê qebûl nakin û em ê tecrîdê bişkînin.”