Li Fransa, di dema çalakiyên Êlekzeran de ya ku hikumet kete krîzê, li Strasbourgê li dijî Bazara Noelê êrîşek pêk hat. Derkete holê ku êrîşkarê ev êrîş pêk anî beriya niha 27 caran ketiye girtîgehê û ceza xwariye.
Tetik-kêşê di nav kategoriya “S” a lêgerîna wan heyî de, êvara Sêşemê li Bazara Noel a li navenda Strasbourgê êrîşeke çekdarî pêk anî. Li gorî bîlançoya dawî 3 kes hatin kuştin û 13 kes jî birîndar bûn. Dozgeriya Antî-teror a Parîsê di derbarê êrîşê de lêpirsîn da destpêkirin.
Piştî bûyerê leşkeran fîşek berî êrîşkar dan û birîndar kirin, lê belê bi birîndarî ji cihê bûyerê reviya. Çavkaniyên nêzî Dozgeriya Parîsê ragihandin ku êrîşkar hatiye destgîrkirin.
Li gorî çapemeniya Fransayê êrîşkarê bi navê Şerîf C. ê sala 1989’an li Strasbourgê ji dayik bûyî, bi taybetî ji ber sûcên dizî û tundiyê sicîla wî ya edlî gelek tijî ye.
Tê ragihandin êrîşkarê ku li Fransa, Elmanya û Swîsreyê ji ber sûcên edlî 27 caran mehkum bûyî, gelek caran ketiye girtîgehê.
Her wisa êrîşkar di lîsteya kesên lêgerîna wan heyî (FSPRT) û di kategoriya “S” de ye û ji hêla îstîxbarata hundir ve lê tê gerîn.
