Yekîtiya Ekolojiyê derbarê ‘Pêşniyaza qanûnê ya li ser qanûna piyaseya enerjiyê û guhertina hin qanûnan’ ya ku ji Komîsyona Sanayî, Bazirganî, Enerjî, Çavkaniyên Xwezayî, Zanist û Teknolojiyê ya Meclîsê derbas bû û wê were rojeva Meclîsê li ser medyaya dîjîtal daxuyanî da.

Hevberdevka Yekîtiya Ekolojiyê Suheyla Dogan diyar kir ku bi vê qanûnê re derfetên şîrketên enerjî û madenê zêdetir dibe û pêşiya mêtingeriya li ser keda karker û kedkaran jî zêde dibe. Dogan diyar kir ku divê ev qanûn bi paş ve were kişandin û got, “Ev qanûn dibe ku dîsa were desteya giştî. Dema ev qanûn hate amadekirin, li fikra rêxistinên pîşeyî û ekolojiyê nehate pirsîn. Bi tenê 13 sektor vexwendin komîsyonê. Ji ber pandemiyê tevlêbûna Yekîtiya Ekolojiyê û rêxistinên din hate astengkirin.”

Dogan diyar kir ku bi pêşniyaza qanûnê ji bo 21 şîrketên belavkirinê, 881 kesên hilberîner, 1722 tesîsên hilberînê û gelek şîrketên madên derfet hatine avakirin. Dogan got ku, “Bi vê pêşniyazê re wê axa gundiyan pêşkêşî şîrketan were kirin. Karê şîrketên belavkirinê tê hêsankirin û hewl dayin kara wan jî zêde bibe. Piştgiriyên ji bo HES, JES, RES û YEKDEM’an zêde dibe.”

Di daxuyaniyê de bang li rêxistinên girseyî yên demokratîk, rêxistinên ekolojiyê û gel hate kirin ku bila li dijî vê pêşniyaza qanûnê helwesta xwe nîşan bidin.