Taksîm Trîo ya ku hunermendên Romen Husnu Şenlendîrîcî, Îsmîl Tunçbîlek û Aytaç Dogan ava kiriye di 17’ê Nîsanê de di Turneya xwe ya Kurdistanê de dê ji bo aştî û biratiyê derkeve ser dikê.  Koma ku heta niha hem li Tirkiyeyê û hem jî li Ewropayê konserên gelek girîng dane albuma wan ya duyemanîn a bi navê ‘Taksîm Trîo’ îro derdikeve.

Taksîm Trîo ku duh li paytexta Stockholm a Swêdê konser da, îro di saetên êvarê de li bajarê Uppsala di konserê de dê bi hezkiriyên muzîkê re bên cem hev.

Beriya Konserê em Husnu Şenlendirîcî, Îsmaîl Tunçbîlek û Aytaç Dogan re hevdîtin kir û der barê xebat û konserên xwe de agahî dan.

Tunçbîlek da zanîn di albumên ku heta îro derxistine de stran û besteyên hunermendên  navdar yên Neşet Ertaş, Sezen Aksu, Orhan Gencebay, Tarkan, Bariş Manço û Zulfu Lîvanelî striyane. Tunçbîlek got hemû stran enstrumantal in û  diyar kir ku di albuma xwe de strana hunermend Ummu Gulsum a bi navê ‘Elfe Leyla’ jî cih danê.

Husnu Şenlendîrîcî jî da zanîn ku di 15 salên dawî de muzîka ensrumantel li Tirkiyeyê gelek gelek pêşve çûye û  got ew ji berk u êdî gel bi muzîka enstrumantal re eleqeder dibin gelek kêfxweşe û tiştekî gelek girînge.

EM MUZÎKA AŞTIYÊ LÊ DIDIN

Şenlendîrîcî balkişand ser nîjadperestiya li Tirkiyeyê û Ewropayê û destnîşan kir ku di cîhanê de tişta herî xerab nîjadperestiye û got: “Romen mixabin wekê reşikan her tim rastî newekhevî û nîjadperestiyê tên.  ji ber ku rastî van pêkûtiyan tên hest, nêrîn û daxwazên xwe bi muzîkê tînin ziman.  Ji ber polîtîkayên şaş yên hatin şopandin û şaniyan îro nîjadperestî pir pêş ketiye û baweriya min eve ku dê ji vir şûnde baş bibe.”

Şenlendîrcî di berdewamiya axaftina xwe de diyar kir ku nîjadperesteî, newekhevî û şer tenê hilweşandinê bi xwe re tîne û got: “Muzîk yekitiye.  Muzîk amûreke ku hemû nîjad, ziman û olan tîne gel heve. Em jî bi muzîka xwe notayên aştiyê çêdikin. Em muzîka aştiyê çêdikin.  Em ne tenê jib o Tirkiyeyê, ji bo hemû cîhanê aştiyê dixwazin.

 Şenlendîrîcî di dawiya axaftina xwe de destnîşan kir ku ew ji bo  mirovahî û aştiyê muzîkê dikin û got: “Me tespît kir ku li Rojhilatê Anatolyayê konser nayên dayîn. Em dê ji 17’ê Nîsanê ji Êlihê dest pê bikin û li hemû bajarên herêmê konseran bidin.”