Rêxistina Îzmîrê ya SDP’ê xwest ji bo Fermandarê Hêzên Azadiyê (BOG) Bedrettîn Akdenîz (Ekîn Înce Memed/Suphî Şoreş) ê li Kobanê di şerekî li hember çeteyên DAIŞ’ê de jiyana xwe ji dest da li ber Sumerbanka kevin konê taziyeyê vede. Polîsên qad dorpêç kirin, gotin wê destûr nedin vedana kon û ger israr bê kirin wê mudaxele bikin. Dema SDP’yiyan pankart dadilqandin, polîsan wêneyên şervanên YPG/YPJ’ê û pankart qetandin û êrîşî komê kirin. Di bûyerên bi êrîşa polîsan destpê kirin Namzeta HDP’ê ya Îzmîrê Semra Uzunok jî di nav de 30 kes ji aliyê polîsan ve hatin kaşkirin û binçavkirin. Hat diyarkirin ku welatiyên hatine binçavkirin birine Midûriyeta Polîsan a Îzmîrê.

Di vê navberê de nûçegihanê rojnameya Gelecek ê xwest dîmenên êrîşê bikşîne jî hat binçavkirin, polîsan nehiştin rojnamevan dîmenan bikişînin.