Li bajarê Bringhton ê Îngîltere nêzî 200 kes tevlî pîrozbahiya Newrozê bûn. Di pîrozbahiya ku ji aliyê Navenda Civaka Kurd a Sussex ve hat organîzekirin, li ser navê Navenda Civaka Kurd a Sussex Hevseroka Komîteya Rêveber Esmeray Alagoz axivî. Alagoz got ku bi berxwedana ji Kawayê Hesinkar heta Kawayê hemdem Mazlûm Dogan û bi saya hezaran şehîdan gihiştine van rojan.

Yek ji endamên Komîteya Rêveber a Navend Civaka Kurd a Sussex Nîzam Kiliç jî behsa pêvajoya li Tirkiyeyê didome û hilbijartinên wê pêk bên kir. Piştî axaftinên vekirinê, koma muzîkê ya Bênav a ji aliyê Kurdistaniyan ve hatiye avakirin, Sezgîn Coşkûn û Îbocan derketin dikê.

Di pîrozbahiya ku Kurdistaniyên Başûrê Kurdistanê bi muzîkên herêmî û lîstikan coş tevlî pîrozbahiyê kirin, pîrozbahî bi govend û dirûşman bi dawî bû.