Li Strasbourg ji bo di hilbijartinên 7’ê Hezîranê de HDP bê destekkirin xebatên hatine destpêkirin didomin. Di çarçoveya xebatên hilbijartinê de li bajêr 5’ê Nîsanê wê panelek bê lidarxistin.

Li bajarê Strasbourg ê Fransa ji bo hilbijartinên giştî yên 7’ê Hezîranê xebat didomin.

6 KOMÎTE HATIN AVAKIRIN KARÛBARÊN KESÊN QEYDÊN WAN TINENE HATIN KIRIN

Komîsyona Navendî ya Strasbourg a ji pêkhateyên DÎDF, Meclîsa Sirgûnan, ATÎK, DKTM, ESP û AKM pêk tê, têkildarî girseyên Dêrsim, Sêwas, Mereş, Meletî, Riha, Dîlok, Çewlik, Elezîz, Çorûm, Baybûrt, Tokat, Yozgat, Gumuşhane di çarçoveya xebatan de 6 komîteyên cuda ava kir.

Komîsyonê diyar kir, ku xwe gihandine 1500 hilbijêrî û karûbarên 250 kesên qeydên wan tinebûn çêkirine.

Lîsteyên hilbijêran ên heyî ji 5000 kesî pêk tên, komîsyon ji bo kesên qeydên wan tinene xebatan dimeşîne.

Li Strasbourg, di çarçoveya xebatan de 5’ê Nısanê wê panel û civîna gel bê lidarxistin.