Di şeva piştgiriya ji HDP’ê re ya li navçeya Ingolstad a Elmanya gelek kes amade bûn. Di şeva ji aliyê xebatkarên dilxwaz hat avakirin, ji beşdaran hat xwestin ku heta hilbijartinan ji bo HDP’ê bixebitin.

Şev bi rêzgirtina ji bo kesên di têkoşîna azadî û demokrasiyê de jiyana xwe ji dest dane destpê kir. Parlamenterê Şirnexê yê HDP’ê Faysal Sariyildiz û gelek kes tevlî şevê bûn. Komîteya Amadekar ku xwest beşdarên şevê heta hilbijartinên ji bo HDP'ê bixebitin, beşdaran got ,'Erê'. Parlamenterê HDP’ê yê Şirnexê Faysal Sariyildiz ê di şevê de axivî got ku ew hilbijartin ji bo xwe temsîlkirinê girîng in û wiha axivî: “Hilbijartinên pêşiya me li Tirkiyeyê di serî de Elewî, Êzidî, Kurd, Tirk, Suryanî û Ereb wê rêya temsilbûnê veke. Lîsteya HDP’ê ji bo derfeta temsîlbûnê dide her kesên li Tirkiyeyê dijîn lîsteyeke herî azadîxwaz e. Ev hilbijartin ji ber vê girîng e.”

Koma Grûb Şîlan, ekîba folklorê ya Navenda Civaka Kurd a Nurnberg,  Koma Govendê Astera û hunermend Peywan Arjîn derketin dikê.

Şev bi sînevîzyona ji bo HDP’ê hatibû amadekirin û govendê bi coş dewam kir.