Platforma Şaxên KESK’ê ya Dêrsimê, bi wesîleya yekemîn salvegera Komkujiya Somayê li Kolana Hunerê hatin gel hev û ber bi Qada Azadiyê ve meşek li dar xistin.

Hevserokên Rêxistina HDP û DBP’ê yên bajêr jî tevlî bûn.

'JI BO KARKERÊN LI SOMAYÊ Û JIYANA MIROVÎ'

Serokê Şaxa SES’ê ya Dêrsimê Ozkan Uç ê di çalakiyê de axivî got, "Em bang li tevayî çîna karker, kedkar û dostên kedê dikin ku ji bo birayên me yên karker ên li Somayê, ji bo karê bi ewle û jiyaneke mirovî ya mafê me ye li rex me bin.

Ji bo em karesata herî hezin a cîhanê û 301 canê xwe ji bîr nekin, 13’ê Gulanê li tevayî bajaran û 16’ê Gulanê jî em ê li Somayê bin.”