Li yek ji bajarên peravê yên Norwecê Trondheim Kurdên ji çar parçeyên Kurdistan Newroza 2015’an li salona sporê ya Charlottenlundt pîroz dikin. Di pîrozbahiya ku bi sedan Kurdistanî û dostên wan beşdar bûn hunermend Bêrîvan Arîn, Erol Berxwedan, Rûbar Şîno, Ferhat Kanat û Ronî stran gotin.

Di pîrozbahiyê de ligel muzûk û dirûşman govend hat gerandin. Dema hunermend Bêrîvan stran digot, 15 zarokên derketin dikê bi Bêrîvan re sirûda Herne pêş xwendin. Xwendina sirûdê rastî coşeke mezin a beşdaran hat.

Di şevê de li ser navê Komîteya Newrozê ya Trondheim Kamuran Khalil, li ser navê tevgera Goran Mariwan Mîrza û li ser  navê YNK’ê Hewraman Mahmudî axivîn.

Pîrozbahiya saet 18.00’an destpê kir heta derengiya şevê dewam kir.