Komeleya Nivîskarên Kurd, di 4. kongreya xwe ya asayî de rêveberiya xwe nû kir. Ji bo Hevserokatiya Komeleyê Mehmet Yilmaz û Remziye Arslan hatin hilbijartin.

4. Kongreya Asayî ya Komeleya Nivîskarên Kurd di 31’ê Tebaxê roja Şemiyê de li Salona Sînemayê ya Burhan Karadenîz a Şaredariya Bajarê Mezin a Amedê, bi beşdarbûna 60 nivîskarên endam hate lidarxistin. 

Di kongreyê de rêziknameya nû hate pejirandin û rêveberiya nû hate hilbijartin. 

Di encama hilbijartinê de rêveberiya nû ji Mehmet Yilmaz, Remziye Arslan, Gulgeş Deryaspî, Netîce Altûn Demîr, Rodî  Zinar, Hogir Berbir û Îlhamî Sîdar pêk hat.  

Rêveberiya nû civîna xwe ya yekemîn di 1'ê Îlonê Roja Aştiyê ya Cîhanê de pêk anî. Di civînê de Mehmet Yilmaz û Remziye Arslan wekî Hevserokên Komeleyê, Îlhamî Sîdar Sekreterê Giştî û Hogir Berbir jî wekî hesabgir hatin hilbijartin.