Di 6'ê Kanûnê de leşker û polîsan bi ser gundê Mûşiyan ê Navçeya Dutaxê ya Agirê de girtibûn. Di serdegirtina leşker û polîsan de bavê 3 zarokan Mûrat Kaya hatibû qetilkirin, 10 kes jî hatibûn destgîrkirin.

Piştî êrîşa leşker û polîsan, gundî dev li dibistana gund kom kirin û li gund lêgerîn kiribûn. Leşker û polîsan zorê li malbata Kaya dikin ku îşev cenazeyê Kaya li gund defin bikin. Leşker 3 roj in cenazeyê Mûrat Kaya nadin malbatê û zorê li malbatê dikin ku îşev defin bikin. Endamên malbata Kaya diyar kirin ku rayedarên leşkerî hatin gund û wiha gotin: "Rayedar hatin gund û gotin 'An em ê îşev veşêrin an jî em ê bibin li goristana bêkesan veşêrin'. Lê me ev yek qebûl nekir. Divê em bi wecibeyên olî cenazeyê xwe veşêrin. Murat sivîl bû. Niha dixwazin em şev nîvê şevê cenaze veşêrin."