Mehên havînê tu car bahozeke wiha bişid li Hollandayê ranebûye, ji ber bahozê herî kêm du kesan jiyana xwe ji dest da. Bi sedan seferên balafiran li Balafirgeha Schîphol a Amsterdamê betal bûn ya jî taloq bûn. Seferên trênan li Bakurê Hollandayê hatin rawestandin.

Li Amsterdamê bi dehan dar qelibîn, wesayît û xaniyên li ser avê zirar dît, gelek kes birîndar bûn. Li gor Weeronlîneê ku ajanseke rewşa hewayê ye, ji sala 2018’an ta bi niha, ev bahoza herî bişid e ku mehên havînê li Hollandayê rabûye.

Xizmeta Rewşa Hewayê ya Elman ku navê Poly li bahozê kir, da zanîn ku dibe ku avahiyan zêde zirar ji bahozê dîtibe û ev hişyarî kirin: “Dibe ku dar ji koka xwe rabibin, kerpîç û gulî û tişt bikevin. Hemû derî û paceyan bigirin! Alav û amûran sabit bikin. Bi taybetî xwe dûrê avahî, dar, îskele û xetên ceyranê yên hêzzêde bikin. Hema mimkûn be, li derve nemînin!”