Koma Şano Arêyê Kay a ji bo Kirmanckî winda nebe ava bû, xwe ji bo tûrneya Elmanya amade dike. Derhêner Şare bal kişand ser girîngiya meşandina kar bi zimanê dayikê û got, "Sîstem xwedî wî mejî ye ku nasnameyên me parçe bike û me bênasname bihêle. Ji bo em neyên vê lîstikê, li hev civiyan." 

Ji bo Kirmanckî winda nebe bi pêşengiya Derhêner Yilmaz Can Şare, li navçeya Stenbol Kadikoyê lîstika şano ya bi navê Arêyê Kay (Aşê Lîstikê) hat avakirin. Kom xwe ji bo tûrneya Elmanya amade dike.

'JI BO NEYÊ LÎSTIKA SÎSTEMÊ!'

Derhêner Şare got, "Sîstem xwedî wî mejî bû ku dixwest nasnameyên me parçe bike û me bê nasname bihêle. Ji bo em neyên vê lîstikê, weke Sêweregî, Çewlikî û Dêrimî em li hev kom bûn û me koma xwe ya şano ava kirin."

Şare diyar kir ku wan xwe bi zimanekî otantîk amade kirine û got, "Gelekî girîng e ku em xwedî li zimanê xwe yê winda bûye, derkevin. Hûn çi dibêjin bêjin; çi Kirmanckî, çi Zazakî; ya girîng parastina nirx û cewherê ji bav û kalan maye ye. Mirov zimanê xwe winda bike, mirov her tiştê xwe winda dike. Windabûna zimanê me, windabûna, dapîr, bapîr, dê, bav û bîranîna me ye."

Arêyê Kay ê dibêje "Em bi ziman û nirxê xwe yê cewherî ketin ser rê" lîstikên wan ê hefteyekê li Elmanyayê bên lîstin.