Talîbanan li bajarokê Dewletabadê ya eyaleta Belhê êrîş bi ser hêzên leşkerî yên Efxanan de birin. Jêderên xwecihî diyar kirin bi dehan kesî êrîş birin ser qereqola bi kontrola leşker û îstîxbaratê.

Rayedarê bajarokê Mihemed Ûsiv got di encama êrîşê de 15 kes mirine. Wezareta Berevaniyê jî ragihand 7 leşker di kemîna Talîbanan de hatine kuştin.

Li gorî nûçeya AFP'ê di encama vê êrîşê de bi kêmanî 20 hêzên çekdar ên Efxan hatine kuştin, 6 jê birîndar bûne û 4 jê êsîr hatine girtin.

Duşemê artêşa Emerîkayê ragihandibû li wilayeta Qundûzê leşkerek miriye. Ji 2001'ê û vir ve nêzî 2.400 leşkerên Emerîkî di şerê dijî Talîbanan de hatine kuştin.