Bînalî Yildirim, dema ku bi Alîkarê Serokê DYA Mîke Pence derbasî Qesra Spî bû ji aliyê komekê ve hate şermezarkirin. Komê alên DYA, YPG û YPJ'ê hilda û li dijî AKP'ê dirûşm qîriya. Çalakgeran wêneyên Hevserokê Giştî yê HDP'ê Selahattîn Demîrtaş û rêveberên HDP'ê yên girtî hildan û dowîzên bi nivîsa "Davûtoglû, Topbaş, Gokçek çû, dor hatiye Yildirim" vekirin.

Di dema serdana Serokkomarê Tirk Erdogan a meha Gulanê de parêzvanên wî êrîşî xwepêşandanê kiribûn û ji ber vê yekê jî firotina çekan ji bo parêzvanên Erdogan hatibû sekinandin û der barê hin parêzvanan de biryara girtinê hatibû dayin.