Kongreya Neteweyî ya Efrîkayê (ANC) ku di hilbijartinên xwecihî yên Efrîkaya Başûr de kêmî ji sedî 50'î yê dengê hilbijêran wergirt, bû cihê rexneyan.

Di mijarên nelirêtî, rêjeya bilind a bêkariyê, qutbûna elektrîkê û kêmaniya xizmetên hikumetê rexne li partiyê tê kirin. Partiya ANC'ê di hilbijartinên roja Duşemê de kêmî ji sedî 50 ê dengan wergirt û di dîroka xwe de yekemcar li bendê aliqî.

Li gorî encamên ku şeva Pêncşemê hatin eşkerekirin, ANC a ku beriya pênc salan di hilbijartinên dawî yên şaredariyê de ji sedî 54 ê dengan wergirtibû, vê carê ji sedî 46 ê dengan bi dest xist.

Di encama vê yekê de jî partî wê li tevahiya welêt hejmareke hîn kêmtir a konseyê kontrol bike û li bajarên mezin û biçûk hîn kêmtir xwedî şaredaran be.

Partiya Nelson Mandela ku sala 1994'an bû desthilatdar, yekemcar li welatê xwe di hilbijartinekê de kêmî nîvê dengan wergirt.

Serokkomar Ramaphosa li navenda hilbijartinê ya li bajarê Pretoriayê encamên hilbijartinê ragihand û qebûl kir ku partiya wan ji bo karibe qadên metropol ên girîng bi rê ve bibe divê koalîsyonan ava bike.