Hêzên ewlekariya peravî yên Îtalyayê ragihandin ku li peravên girava Lampedûsayê 2 keştiyên ku koçber tê de bûn noqî binê avê bûne. Hate ragihandin ku 2 kesan jiyana xwe ji dest dan, 57 kes hatin rizgarkirin. Zêdeyî 30 kes jî winda bûn.
Hate ragihandin ku du keştiyên koçber tê de bûn, ji bendergeha Safakes a Tûnisê bi rê ket.
Li gorî ajansa nûçeyan a Ansayê, keştiyên ku berê wan li Ewropayê bû roja Şemiyê li peravên Lampedûsayê noqî binê avê bûn.
Hate ragihandin ku li hundirê keştiyekê 48 kes, li ya din jî 42 kes hebûn.
Hêzên ewlekariya peravî 57 kes rizgar kirin, lê belê cenazeyên 2 kesan dîtin. Rayedaran diyar kirin ku yek ji kesên mirin jineke ji Peravên Diranên Fîlan û yê din jî zarokek bû. Zêdeyî 30 kes jî winda bûn.
Rojên dawî zêdeyî 2 hezar kes gihîştin peravên Lampedûsayê. Li gorî Wezareta Karên Hundir, ji destpêka salê û vir ve nêzî 92 hezar koçber û penaber gihîştin Îtalyayê. Di heman dema sala 2022'an de zêdeyî 42 hezar û 600 koçber bi rêya deryayî gihîştibûn peravên Îtalyayê.
