Balafira şîrketa Aeromexîco, roja Sêşemê li bajarê Dûrango yê eyaleta Dûrango kete xwarê. Wezîrê Ragihandinê Geardo Rûîz Eparza diyar kir ku balafira sefera Dûrango û paytext Meksîko dikir, li gorî dema herêmê saet 16'an kete xwarê.

Wezîr ragihand, di balafirê de 97 rêwî û 4 personel hebûn. Li gorî rayedaran 49 ji birîndaran rakirine nexweşxaneyê, yên din jî vegeriyane malên xwe.

Berdevkê parastina sivîl a herêmî Alejandro Cardoza diyar kir ku di dema daketina balafirê de zîpikê daye û li balafira ku ji neçarî daketiye şewat derketiye, lê agir bi ti rêwiyan neketiye.

Li Meksîkayê, Tîrmeha 1918'ê balafireke rêwiyan a şîrketa Aeromexîco li bajarê Chîhûahûa yê bakurê welêt di dema daketinê de ketibû xwarê û 32 kes miribûn.