Barana zêde ya li eyaleta Sîkkîmê kir ku ava Gola Lhonakê bifûre û ji nişka ve lehî rabû.

Gelek wesayit di nava avê de man. Ji rayedarên eyaletê Vîjay Bhûşan Pathak ragihand ku cenazeyên 10 kesan hatine dîtin û leşker jî di nav de 82 kes hîn jî winda ne. Rayedaran diyar kirin ku karê lêgerîn û rizgarkirinê dewam dike.

Ev herêma çiyayî ya dûr a Hîmalaya nêzî sînorê Hindistanê yê bi Nepal û Çînê re ye. Gola Lhonakê jî li quntara qeşa nêzî Kançencûnga ye ku sêyemîn çiyayê herî bilind ê cîhanê ye.

Li gorî artêşa Hindistanê, ji ber bendavekê ku beriya demeke nêz av herikand, asta çemê Tîstayê bi 4,5 metreyî hîn bêhtir bilind bû.