Li ser daxwaza DYE’yê ku di meha Tebaxê de serokatiya Konseya Ewlekariyê dikir, ji 2017’an ve cara destpêkê civîna du saetî ya ji raya giştî re vekirî lidar xist û di civînê de rojeva sereke bi temamî li ser mafên mirovan a li Koreya Bakur bû.

Komîserê Bilind ê Mafên Mirovan a NY’ê Volker Turk di Konseya Ewlekariyê ya NY’ê de axivî, qala binpêkirinên mafan kir û got: “Piraniya van binpêkirinan, ji bo mezinbûna mîlîtarîzasyona Koreya Bakur e.”

Her wiha Konseya Ewlekariyê nûnerekî rêxistina sivîl ku ji Koreya Bakur reviyaye û malbata wî koçî Koreya Başûr kiriye, vexwend. Îlhyeok Kîm metnek Îngilizî xwend û “tecrîdkirina gelê Koreya Bakur” û “cezakirina gel”, “ji bo jiyana luks a lîderan” bi karanîna “xwîn û xwiha” gel şermezar kir.

Îlhyeok wiha got, “Lê ne di xema hikûmetê de ye. Tenê çekên nukleer pêş dixe û ji bo ku xwe heq derxîne, propagandaya xwe dike û hêza xwe diparêze.”

Sefîra Bilind a Neteweyên Yekbûyî ya Emerîkayê Linda Thomas-Greenfield jî qala bi binpêkirinên ku ji aliyê “nûnerê civaka sivîl” ve hatî rêzkirin, kir û wiha got: “Binpêkirinên mafên mirovan ew qas tirsnak in ku nayên xeyalkirin.”

Koreya Bakur ji sala 2006’an ve rû bi rûyê pêkanînên navneteweyî dimîne. Sala 2017’an ev pêkanîn sê caran hatin zêdekirin.